Mahirap ang Makipagayos Kapag ito ay Lumalala

chrisdailyn ordanza

Ang post na ito ay anonymous at walang binanggit na pangalan, para sa aral lamang at experience nang taong nagkukuwento, kung may pagkakahalintulad sa ibang pangyayari, ito ay hindi sinasadya.

Unang una ay nagpapasalamat ako sa Pinoysbig na blog sa pag publish nang aking kuwento. Ako ay nagkaroon ng kwento na parang masasabing aksaya lamang ng oras at panahon at pera. Ang aking nakilala ay di ko akalain na may tinatagong isang ugali na hindi kanais nais. Mabuti na lamang at suportado ang aking mga kaibigan nang ito ay nasabi ko sa kanila kagabi pagkatapos nila itong makita. Maaaring ang ibang tao ay di siya kilalang lubos, ngunit masasabi ko na nakilala ko na at ako ay naiinis sa aking sarili sa pagaaksaya ko ng mga mahahalagang oras sa aking buhay.

Wala sana akong balak na ikuwento ang mga bagay na ito, ngunit hindi ko namamalayan na sinisiraan na pala niya ako at pinapabasa ang aking mga text message, mabuti na lamang at ito ay ginawa niya sa isang mapagkakatiwalaan. Napakagaling niya, sapagkat noong kami pa ay okay, sinisiraan niya lahat ng tao pati ang tatay niya, kuya niya, at kahit ang boyfriend at pamilya nito. Madaldal pala siya. Ito ay hindi alam nang mga taong iyon na ganun pala ang kanyang mga sinasabi sa akin. Ngayon ay alam ko na maaring hindi totoo ang mga bagay na sinabi niyang iyon. Ako ay nagulat na ganun pala siya magtampo samantalang hindi man lang siya humingi nang patawad sa kanyang mga nagawa na panloloko at paggamit, paninira at pagwalang bahala sa mga nagawa niya.

May mga naririnig ako sa kanya na sinusumbatan niya ang kanyang magulang, at hindi siya marunong magbayad nang utang, tama nga wala nga siyang isang salita at siya pa ang may ganang magalit. Ito ay ikinuwento nang mga taong nakakakilala sa kanya at siya ay nagfoforward ng mga text messages at nagtatago nang mga ibedensyang negatibo upang ito ay magamit upang manira, ngunit ang mga taong pinagsasabihan niya ay hindi alam ang buong kwento at kung ano ang dahilan kung bakit ganoon ang mga text messages, ito ay isang pagsisinungaling na pabor lamang sa kanya.

Hindi ko na matanggap ang kanyang mga ginawa at hindi ko napigilan kaya sa tamang panahon na kagabi, ito ay sinabi ko sa aking pinsan at nabigla din sila kung bakit siya sumasama sa akin noon kahit gabi samantalang siya ay may syota. At ang aking pamilya ay nabigla nang aking ikuwento ang nangyari, nais sana siyang kausapin ngunit sinabi na nila na huwag na lang at pabayaan na lang upang hindi na ito lumala pa dahil wala din itong patutunguhan. Sinabihan din ako na huwag na lamang siyang kausapin o ano pa man. Marami sa mundo ang parang mabait ngunit sa katotohanan ay hindi pala.

Ako rin ay lubos na nagpapapsalamat sa kanyang mga pinakita, kung hindi niya pinakita ang ganoon ay di ko malalaman na ako pala ay nagsasalita nang walang silbi. Nakikipagusap pala ako sa isang bata na hindi nakakaintindi nang kanyang mga ginagawa basat bigla. Nasabi nga niya sa akin na isusumbong niya ako sa kanyang kuya, sa pagkaalam ko ako ay kanyang pasusuntok, ano kaya un? Samantalang noon ay sinisiraan niya ang kanyang kuya. Sayang na sayang.

Naalala ko noon isang buwan, humihingi ako nang tawad sa mga nasabi ko, ngunit mas lalo itong lumala. Hay ganyang talaga ang buhay, humihingi ka na nga nang tawad kahit sila ang dahilan nang pagkakasala mo, nagpapakumbaba ka na nga pero pinapalala pa nila. Kaya ang lesson sa ganitong mga bagay ay huwag na lang magsalita kapag alam mo na ang kausap mo ay hindi pa ganoong nakakaintindi at talagang mahirap kausap na walang respeto.